रामग्राम सुनचाँदी व्यवसायी समितिको चौथो वार्षिक साधारण सभा शुक्रबार परासीमा सम्पन्न भएको छ । समितिका अध्यक्ष राजु कुमार सुनार (बर्मा) को अध्यक्षता र रामग्राम नगरपालिका नगरप्रमुख धनपत यादवको प्रमुख आतिथ्यमा साधारण सभा सम्पन्न भएको हो ।
सो अवसरमा नगर प्रमुख यादवले व्यवसायी क्षेत्रमा महिलाको पनि प्रतिनिधित्व हुनुपर्नेमा जोड दिनु भएको छ । कार्यक्रममा रामग्राम नगरउपप्रमुख सम्झना चौधरीले देशमा आर्थिक संकट बड्दै गएकोले व्यवसायीले धैर्यतापूर्वक काम गर्न आग्रह गर्नु भयो । उपप्रमुख चौधरीले सुनचाँदी व्यवसायीलाई योजनाबद्द रूपमा करको दायरामा आउन दर्ता र नविकरण समयमै गरी हर्जना तिर्नबाट जोगिन अनुरोध गर्नु भयो ।
सो कार्यक्रममा बोल्ने वक्ताहरुले सुनचाँदी व्यवसायी नै बिस्तापित हुने स्थिति आएकोले सबै व्यवसायी एक भएर लाग्नु पर्ने बताएका थिए । स्थानीय कालिगड बिस्तापित हुँदै गएको छिमेकी देशका कालिगड स्थापित हुने गरेकोले स्थानीय सीप र प्रवन्धनको लागि स्थानीय सरकारले पनि पहल गर्नुपर्नेमा जोड दिएका थिए।
कार्यक्रममा लुम्बिनी सुनचाँदी व्यवसायी सह कोषाध्यक्ष राजकुमार सुनार, नवलपरासी सुनचाँदी व्यवसायी संघका अध्यक्ष अर्जुन सुनार, उपाध्यक्ष कुलदिप सुनार, नवलपरासी उधोग बाणिज्य संघका सदस्य पदम सुनार, सुनवल नगर कमिटी अध्यक्ष हुमबहादुर सुनार, सुनचाँदी व्यवसायी बर्दघाट नगर कमिटी उपाध्यक्ष उपेन्द्र सुनार लगायतले बोल्नु भएको थियो । कार्यक्रममा अध्यक्ष र कोषाध्यक्ष प्रतिवेदन प्रस्तुत गरि पारित गरिएको छ। अशोक सुनारको स्वागत मन्तव्य रहेको थियो भने कार्यक्रम संचालन सस्थाका सचीव सुवासचन्द्र बर्माले गर्नुभएको थियो ।
सम्पन्न तेश्रो अधिवेशनले पुनः ३ बर्षका लागि राजु कुमार सुनार(बर्मा)का नेतृत्वमा ९ सदस्यीय समिति सर्वसम्मत निर्वाचित भएको छ । जसको उपाध्यक्षमा अशोक बर्मा, सचिवमा शुवास बर्मा, कोषाध्यक्षमा अर्जुन सुनार, सदस्यहरुमा अनिल बर्मा, सुनिल बर्मा, रमेश वर्मा, सागर वर्मा र जैकी बर्मा निर्वाचित भएको नवनिर्वाचित अध्यक्ष राजकुमार सुनार(वर्मा)ले जानकारी दिनु भयो ।
