सरकारले एकैपटक नौ जिल्लामा महिला प्रमुख जिल्ला अधिकारीको रुपमा खटाएको छ । नौ जिल्लाको कमान्ड सम्हाल्ने महिला सिडिओको यो संख्या हालसम्मकै ठूलो हो । यसअघि सानो संख्यामा महिला सिडिओ खटाउने गरिएकामा पहिलोपटक यति संख्यामा महिला खटाइएको छ ।
गृह मन्त्रालयका अनुसार चार जिल्लामा सहसचिव र पाँच जिल्लामा उपसचिव महिला सिडिओ खटाइएको छ । ताप्लेजुङमा गोमादेवी चेम्जोङ, धनकुटामा लीलाकुमारी केसी पाण्डे, ओखलढुंगामा प्रदर्शनी कुमारी, मनाङमा सुप्रभा खनाल ढुंगेल र अर्घाखाँचीमा मीना अर्याल महिला सिडिओ खटाइएको छ । वहा्ँहरू सबै उपसचिव हुनु हु्नछ ।
धनकुटा, अर्घाखाँची र ओखलढुंगामा सहसचिवको दरबन्दी भए पनि उपसचिव सिडिओ खटाइएको छ । त्यस्तै, सुनसरीमा हुमकला पाण्डे, सिन्धुलीमा सुनिता नेपाल, बाग्लुङमा रोशनीकुमारी श्रेष्ठ र डोटीमा कल्पना श्रेष्ठ सिडिओ छन् । उहाँहरू सबै सहसचिव हुनु हन्थ्यो ।
आठ जिल्लाले पहिलोपटक महिला सिडिओ पाएको हो । ताप्लेजुङले पहिलोपटक महिला सिडिओ पाएको छ । यही १८ माघमा चेम्जोङ सिडिओ बनेर जिल्ला पुग्नु भएको हो । जिल्लामा हालसम्म ४७ जना सिडिओ बनेर आइसकेका छन् । उहाँ पहिलो महिला सिडिओको रुपम आउनु भएको हो। उहाँ यसअघि भोजपुर र सिन्धुपाल्चोकको सिडिओ रहनु भएको थियो ।
धनकुटाले पनि पहिलोपटक महिला सिडिओ पाएको हो । यसअघि रामेछापमा सिडिओ भइसकेकी लीलाकुमारी केसी पाण्डे गृह मन्त्रालयले खटाएपछि अघिल्लो सोमबार धनकुटा पुुग्नु भएको छ । मनाङले पनि पहिलोपटक महिला सिडिओ पाएको छ । त्यहाँ सुभद्रा खनाल ढुंगेल सिडिओ हुनु हुन्छ । उहाँ गत १२ माघमा मनाङको सिडिओ बन्नु भएको थियो । सुनसरीमा पनि पहिलोपटक महिला सिडिओ बनेर हुमकला पाण्डे पुग्नु भएको छ । उहाँ यही १६ माघदेखि त्यहाँको सिडिओमा कार्यरत हुनु हुन्छ। यसअघि उहाँ भक्तपुर र काभ्रेमा पनि सिडिओमा कार्यरत रहनु भएको थियो। काभ्रेमा पनि सिडिओ हुने उहाँ पहिलो महिला हुनु हुन्छ ।
सिन्धुलीले पनि पहिलोपटक महिला सिडिओ पाएको हो । उहाँ यसअघि प्युठानमा सिडिओ रहनु भएको थियो। प्युठानमा पनि उहाँ पहिलो महिला सिडिओको रुपमा कार्यरत हुनु हुन्थ्यो । सहसचिव रोशनी श्रेष्ठ बाग्लुङको सिडिओ बन्नु भएको छ । यसको निर्णय गृह मन्त्रालयले आइतबार गरिसकेको छ । बाग्लुङमा हालसम्म महिला सिडिओ छैनन् । श्रेष्ठ पहिलो महिला सिडिओ बन्दै हुनु हुन्छ ।
यता अर्घाखाँची जिल्लामा पनि पहिलो महिला सिडिओ कार्यरत हुनु हुन्छ । अर्याल यही १२ माघदेखि सिडिओ कार्यरत हुनु भयो। डोटीमा पनि पहिलोपटक महिला सिडिओका रूपमा कल्पना श्रेष्ठ कार्यरत हो। ११ माघ ओखलढुंगामा सिडिओ पोस्टिङ भई प्रदर्शनी कुमारी पहिलोपटक सिडिओ बन्नु भएको छ । जिल्लामा मधेसी समुदायबाट महिला सिडिओ हुने उहाँ पहिलो व्यक्ति हुुनु हुन्छ ।
