परासी । जिल्ला बचत तथा ऋण सहकारी संघ लि. नवलपरासीको दोश्रो निर्वाचनबाट अध्यक्षमा पुनः राजनकुमार आचार्य सर्वसम्मत निर्वाचित हुनु भएको छ । संघको १३ सदस्यीय सञ्चालक समितिको उपाध्यक्षमा मायादेवी पौडेल, सचिवमा देवराज श्रेष्ठ, सहसचिवमा रविन्द्रविक्रम हमाल, कोषाध्यक्षमा युवराज मौर्य, संघको सञ्चालक सदस्यमा क्रमशः पिताम्बर चापागाईं, ताराप्रसाद न्यौपाने र मीना चौधरी निर्वाचित हुनु भएको हो ।
यस्तै बचत संघ नवलपरासीको लेखा सुपरिवेक्षण समितिको संयोजकमा मैना सुवेदी सर्वसम्मत चयन हुनु भएको निर्वाचन उसमितिकी संयोजक फूलमाया गिरीले जानकारी दिनुभयो । शनिवार सम्पन्न निर्वाचनमा सञ्चालक सदस्य ५ जना र लेखा सुपरिवेक्षण समिति सदस्य २ जनाको पद रिक्त भने रहेको छ ।
त्यसअघि संघको चौथो बार्षिक साधारण सभा सम्पन्न भएको छ । संघका जिल्ला अध्यक्ष राजनकुमार आचार्यको अध्यक्षता र नेपाल बचत तथा ऋण सहकारी संघ (नेफ्स्कून) का केन्द्रीय वरिष्ठ उपाध्यक्ष दामोदर अधिकारीको प्रमुख आतिथ्यमा कार्यक्रम गरिएको हो ।
संघको चौथो बार्षिक साधारण सभामा अध्यक्ष आचार्यले अध्यक्षको प्रतिवेदन, कोषाध्यक्ष ध्रुवनारायण वानियाँले कोषाध्यक्षको प्रतिवेदन र लेखा सुपरिवेक्षण समितिका संयोजक लेखनाथ खरेलले लेखा समितिको प्रतिवेदन प्रस्तुत गर्नु भएको हो । संघले आर्थिक बर्ष २०८०।०८१ मा ९९ हजार ७२७ रुपैया नाफा आर्जन गर्न सफल भएको कोषाध्यक्ष बानियाँले जानकारी दिनु भयो ।
सो अवसरमा लुम्बिनी बचत तथा ऋण सहकारी संघका वरिष्ठ उपाध्यक्ष ऋषिराम सापकोटा, जिल्ला सहकारी संघ नवलपरासीका सचिव चण्डिप्रसाद पाण्डे लगायतले शुभकामना मन्तव्य व्यक्त गर्नु भएको संघका सहसचिव देवराज श्रेष्ठले नेपाली चेलीलाई बताउनु भएको छ ।
