![](https://www.nepalicheli.com/uploads/editor/2024-09-05/084750114Nepali%20cheli.jpeg)
परासी । नवलपरासीको पाल्हीनन्दन गाउँपालिका वडा नं. ६ पडरीमा आगलागी पिडितहरुले टिनको छानो सहितको पक्कि घर वनाएका छन् । आगलागीमा परि पिडित भएका १६ जनालाई विभिन्न क्षेत्रबाट सहयोग प्राप्त भएको थियो । सहयोग प्राप्त भएसँगै पूर्ण क्षति भएका परिवारले पक्कि घर निर्माण गरेर हाल सुरक्षित तरिकाले बसिरहेका छन् ।
आगलागी हुनु भन्दा पहिले कच्ची फूसको छानो भएको घर अहिले पक्की र टिनको छानोले सुरक्षित बनेको छ ।
गाउँपालिका तथा अन्य विभिन्न व्यक्ति र संघसंस्थाहरुको सहयोगमा पक्की घर बनाएर बसेका छौ, पाल्हीनन्दन ६ पडरीका आगलागी पिडित मध्येका एक चन्द्रीका धोवी बताउनु हुन्छ । उहाँका अनुसार विभिन्न क्षेत्रबाट भएको १ लाख वढी नगद र सामाग्रीको सहयोगबाट पक्कि घर वनाउन सकिएको हो ।
पाल्हीनन्दन गाउँपालिकाले पूर्ण क्षति भएका ४, आशिंक क्षति भएका ५, न्यून क्षति भएका ६ र अतिन्यून क्षति भएका १ जनालाई चेकमार्फत आर्थिक सहयोग गरेको थियो । उनीहरुलाई गाउँपालिकाबाट कुल ६ लाख ६० हजार रुपैया प्रदान गरिएको थियो ।
यस्तै पूर्वगृहराज्य मन्त्री देवेन्द्रराज कण्डेल, लुम्बिनी प्रदेश सभा सदस्य बैजनाथ कलवार, रामग्राम नगरपालिकाका नगरप्रमुख धनपत यादवले पनि आगलागी पिडितलाई सहयोग गर्नु भएको थियो । यस्तै नेपाल रेडक्रस सोसाईटी, युवा संघ नेपाल नवलपरासी, रोटरी कलव अफ नवलपरासी, इन्द्रेणी सामाजिक विकास मञ्च, सुनवल सामुदायिक विकास केन्द्र, युनाइटेड मिसन टु नेपाल जस्ता सामाजिक संघ संस्थाले पनि विभिन्न खाद्यान्य तथा सामाग्रीहरु सहयोग गरेका थिए ।
आगलागी गएको बैशाख ७ गते भएको थियो भने पडरी गाउँका ८० जना आगलागीबाट प्रभावित भएका थिए ।