परासी । रोटरी क्लव अफ नवलपरासीको पाँचौ पदस्थापनबाट परासीका युवा एवं सफल व्यवसायी सुनिल कसौधन नयाँ नेतृत्वका लागि पदभार ग्रहण गर्नु भएको छ । शनिवार परासीमा सम्पन्न पाँचौ पदस्थापनबाट बर्ष २०२४।०२५ कालागि कसौधन नेतृत्वमा आउनु भएको हो ।
अध्यक्षको पदभार ग्रहण गर्दै कसौधनले आउँदा दिनमा वातावरण र युवाको क्षेत्रमा काम गर्ने प्रतिवद्धता व्यक्त गर्नु भयो । अध्यक्ष कसौधनले श्रद्धासुमन आचार्यको अध्यक्षतामा १५ सदस्यीय रोट्रयाक क्लव अफ नवलपरासी गठन भएको घोषणा गर्नु भएको छ । कार्यक्रममा यसइईमा उत्तिर्ण भएका रोटरीमा आवद्ध सदस्यहरुका ५ जना छोराछारीहरुलाई उनीहरुको उज्जवल भविश्यको कामना गर्दै प्रशंसा—पत्रले सम्मान गरिएको थियो ।
रोटरी बर्ष २०२३।०२४ का अध्यक्ष विरेन्द्रकुमार अग्रहरीको अध्यक्षता र रामग्राम नगरपालिकाका नगरप्रमुख धनपत यादवको प्रमुख आतिथ्यमा पाँचौ पदस्थापन कार्यक्रम सम्पन्न भएको हो । सो अवसरमा नगरप्रमुख यादवले नगरभित्रका विभिन्न कृयाशिल संघसंस्थासँग नगरपालिकाले साझेदारीमा कामगर्ने बताउनु भयो । उहाँले नगरको वातावरण संरक्षणको क्षेत्रमा काम गर्न रोटरी क्लवलाई आव्हान गर्नु भएको छ ।
कार्यक्रममा रोटरी क्वल अफ नवलपरासीका एसाइन कभर्नर कृष्ण पौडेल, रोटरी डिस्टिक ग्लोवल नेटवर्किङ्ग चेयर लक्ष्मण ज्ञवाली, नवलपरासी जिल्लाका प्रमुख जिल्ला अधिकारी स्कीम श्रेष्ठ, रोटरी क्लव अफ नवलपरासीका संस्थापक अध्यक्ष सुमन गोपाल आचार्य, रामग्राम नगरपालिकाका पूर्व नगरप्रमुख नरेन्द्रकुमार गुप्ता, रोट्याक श्रद्धासुमन आचार्य, इलेक्ट अध्यक्ष उर्मिला वानीया, नोमिनी अध्यक्ष विनिराम भुषाल लगायतले शुभकामना मन्तव्य व्यक्त गर्नु भएको रोटरीका सचिव मेघराज गौतमले जानकारी दिनु भयो ।
“स्वार्थभन्दा माथि सेवा” भन्ने मूल मान्यता बोक्दै नवलपरासीमा रोटरी क्लव स्न २०२० मा स्थापना भएको हो । क्लवमा परासी क्षेत्रका विभिन्न पेशा व्यवसायमा आवद्ध ४० जना व्यक्तिहरु सदस्यरहेको क्लवले जनाएको छ ।
