परासी । रामग्राम नगर स्तरीय सहकारी सञ्जालमा परासी सूचना तथा सञ्चार सहकारी संस्थाद्वारा सञ्चालित सामुदायिक रेडियो परासी ९०.२ मेगाहर्जका प्रवन्ध निर्देशक एवं सहकारीकर्मी मेघराज गौतम सर्वसम्मत चयन हुनु भएको छ ।
आइतबार रामग्राम नगरपालिकामा भएको नगरस्तरीय सहकारीहरुको भेलाले गौतमलाई आगामी २ बर्षकालागि संजालको संयाजकमा चयन गरेको हो ।
जसको सहसंयोजकमा शुभलक्ष्मी महिला बहुउद्देश्यीय सहकारी संस्थाकी अध्यक्ष जोगकुमारी चौधरी, सचिवमा महादेव कृषि सहकारी संघ लि.का अध्यक्ष देवेन्द्र चौधरी, कोषाध्यक्षमा रामग्राम बचत तथा ऋण सहकारी संस्थाका अध्यक्ष अनिल शर्मा र सदस्यहरुमा करेशवावारी कृषक बचत तथा ऋण सहकारी संस्थाका अध्यक्ष कर्णवहादुर सुनार, सुक्रौली साना किसान कृषि सहकारी संस्था लि.की व्यवस्थापक पुनम यादव, रामग्राम बहुउद्देश्यीय सहकारी संस्थाका अध्यक्ष सिवेन्द्र शाह सर्वसम्मत चयन हुनु भएको हो ।
यस्तै आजै सम्पन्न भेलाले परासी आदर्श बहुमुखी सहकारी संस्थाका अध्यक्ष पुरन चौधरी र रामग्राम नगरपालिकाका सहकारी अधिकृतलाई सल्लाहाकारमा मनोनित गरिएको छ ।
यसअघि शनिवार र आइतबार २ दिन रामग्रामका ३३ वटा सहकारीका व्यवस्थापकहरुलाई लक्षित गरी सहकारी व्यवस्थापनसम्बन्धी प्रशिक्षण गरिएको थियो ।
कार्यक्रमको समापन समारोहमा सहकारी अधिकृत रामशुवास गुप्ता, कृषि शाखाका अधिकृत गोविन्दराज पौडेल, परासी आदर्श वहुमुखी सहकारी संस्था लि.का अध्यक्ष पुरन चौधरी, करेशावारी कृषक बचत तथा ऋण सहकारी संस्थाकी सहायक व्यवस्थापक यमकुमारी सुवेदी, महादेव कृषि सहकारी संस्थाका अध्यक्ष देवेन्द्र चौधरी लगायतले सिकाई मन्तव्य व्यक्त गर्नु भएको थियो ।
