परासी । रोटरी क्लव अफ नवलपरासीले आज पाल्हीनन्दन ६ पडरीका १२ घर परिवारलाई खाद्यान्य सामाग्री वितरण गरेको छ । गत शुक्रवार र शनिवार भएको लागलागीबाट पूर्ण क्षति भएका ४ घरपरिवार र आंशिक क्षति भएका ८ घर परिवारलाई खाद्यान्य सामाग्री वितरण गरिएको रोटरी क्लव अफ नवलपरासीले जनाएको छ ।
घरगोठ पूर्ण क्षति हुनेमा रामबृज धोवी, बुलाकी भन्ने रामबृक्ष धोवी, चन्द्रिका धोवी र चन्ना धोवि हुनु हुन्छ । यस्तै आंशिक क्षति हुनेमा राजेश धोवी, भिखारी धोवी, कोइल पठान, मेराज पठान, कैस मोहम्मद अन्सारी, हैदर अलि अन्सारी, इन्द्रिस पठान र कमरान अन्सारी रहेको बताइएको छ ।
क्लवले प्रतिघर परिवार ३ हजार बराबरको खाद्यान्य सामाग्री वितरण गरेको हो । जसमा चामल, चिउरा, दाल, मटर, विस्कुट लगायतका खाद्यान्य सामाग्री राखिएको क्लवका अध्यक्ष बिरेन्द्रकुमार अग्रहरीले जानकारी दिनु भयो ।
आगलागी पिडितलाई राहत स्वरुप खाद्यान्य वितरण कार्यक्रममा क्लवका संस्थापक अध्यक्ष, सुमनगोपाल आचार्य, बर्ष २०२४—२०२५ का अध्यक्ष सुनिल कसौधन, क्वलका तालिम आयुक्त पुरुषोत्तम ढकाल, नानुकुमारी खड्का लगायतले राहत सामाग्री वितरण कार्यक्रममा सहजिकरण गर्नु भएको हो ।
यसैबीच विभिन्न व्यक्ति, जनप्रतिनिधि र संघसंस्थाहरुले पनि आगलागी पिडित घरपरिवारलाई राहत सामाग्री वितरण गरेका छन् । आइतबार नेकपा एमालेको भातृसंस्था युवा संघ नेपालले पनि पाल्हीनन्दन ६ पडरीमा एक कार्यक्रमको आयोजना गरी आगलागी पिडित परिवारलाई राहत सामाग्री हस्तान्तरण गरेको छ ।
