परासी । रोटरी क्लब अफ नवलपरासीले एकदिने करदाता शिक्षा तथा अन्तरक्रिया कार्यक्रम सम्पन्न गरेको छ । करदाता सेवा कार्यालय, परासीको सहयोग तथा सहजिकरणमा करदाता शिक्षा कार्यक्रम सञ्चालन गरिएकाे हाे ।
रोटरी क्लब अफ नवलपरासी बर्ष २०२४-२५ का अध्यक्ष सुनिल कसौधनकाे अध्यक्षता र रामग्राम नगरपालिकाका नगर प्रमुख धनपत यादवकाे प्रमुख आतिथ्यमा करदाता शिक्षा कार्यक्रम सञ्चालन गरिएकाे हाे ।
कार्यक्रमको सहजिकरण करदाता सेवा कार्यालय परासीका कर अधिकृत तथा मुख्य प्रशिक्षक राजेन्द्र साहले गर्नु भएकाे थियाे ।
कार्यक्रममा घरेलु तथा साना उद्योग कार्यालयका उद्योग अधिकृत पुरुषोत्तम पौडेल, क्लबका संस्थापक अध्यक्ष सुमन गोपाल आचार्य, रोटरी क्लबका महासचिव विनिराम भुषाल लगायतले बाेल्नु भएकाे क्लबका सर्जेन्ट अफ आर्म राजकुमार रेश्मीले जानकारी दिनु भयाे ।
यसैबीच भाेलि शनिबार विहान ७ बजे रोटरी क्लब अफ नवलपरासी, रामग्राम ब्याडमिन्टन क्लब परासी र स्वास्थ्य कार्यालय नवलपरासीको सहकार्यमा सुगर, ब्लड प्रेसर र मृगाैला रोगको निःशुल्क जाँच कार्यक्रम आयोजना गरिएकाे छ ।
४० वर्षभन्दा माथि उमेर समूहका मानिसहरुकाे नसर्ने राेग सुगर, ब्लड प्रेसर र मृगाैला राेगको निःशुल्क जाँच गर्न लागिएकाे स्वास्थ्य कार्यालय नवलपरासीका लेखा अधिकृत नारायण भट्टराइले जानकारी दिनुभयाे ।
नि:शुल्क परीक्षण कार्यक्रम परासी स्थित आदर्श माध्यमिक विद्यालय भवनकाे पछाडि रहेको रामग्राम ब्याडमिन्टन कभर्डहलमा गरिने क्लबका अध्यक्ष ताराचन्द्र वर्माले जानकारी दिनुभयो ।
