बुटवल । नेपाली कथानक चलचित्र “अगस्त्य च्याप्टर १ देशभरका सिनेघरहरुमा प्रसारण छ । केन्द्रीय चलचित्र जाँच समितिबाट सर्टिफिकेट प्राप्त गरेको चलचित्र २ घण्टा ५० मिनेट लामो छ। सौरभ चौधरीद्धारा निर्देशित चलचित्र अगस्त्यले देशभरका हलमा उच्च शो पाएको छ ।
फिल्ममा सौगात मल्ल, नाजिर हुसेन, मलिका महत, प्रमोद अग्रहरी, निश्चल बस्नेत, बेन बस्नेत, विजय बराल, रवीन्द्र झा, शिशिर बाङ्देल, सिम्रन खड्का, प्रकाश दाहाल, प्रदीप ढकाल, गजेन्द्र त्रिपाठी, सचिन चन्द्रलगायतका कलाकारको अभिनय रहेको छ ।
विश्व गौचन र अभिषेक चौधरी कार्यकारी निर्माता तथा प्रकाश मल्ल, अनिस तामाङ र विनोद पौडेल निर्माता रहेको फिल्ममा सञ्जय लामाको छायांकन, निर्देशक चौधरी स्वयंको लेखन, निमेष श्रेष्ठको सम्पादन, कविराज गहतराजको कोरियोग्राफी, श्री श्रेष्ठको द्वन्द्व निर्देशन र एसडी योगीको संगीत छ । डार्क हर्स इन्टरटेनमेन्ट र सेभेन सिज इन्टरटेनमेन्टको प्रस्तुति रहेको चलचित्रले दर्शकलाई फरक शैलीमा कथा प्रस्तुत गर्ने जोडदार प्रयास गरेको छ।
यसैबीच रामग्राम नगरपालिका निवासी अभिनेता शौगात मल्ल र प्रमोद अग्रहरीको उत्कृष्ट कलाले भरीएको नेपाली चलचित्र भएकोले चलचित्रको प्रमोशनका लागि जिल्लाबाट जिल्ला स्तरीय टोलि बुटवल पुगेको थियो । शुक्रवारबाट चलचित्र देशभर प्रदर्शनमा आएको हो ।
रामग्राम नगरपालिकाका नगरप्रमुख धनपत यादवको अगुवाईमा, प्रमुख जिल्ला अधिकारी सुरेश पन्थी, तीनै वटा सुरक्षा निकायका प्रमुख, जिल्ला न्यायधिश, परासी क्याम्पसका प्रमुख सुमन गोपाल आचार्य, सामुदायिक रेडियो परासीका अध्यक्ष राजकुमार रेश्मी लगायतको टोलि बुटवल पुगेको थियो ।
अगस्त्यका कलाकार प्रमोद अग्रहरीको विशेष निमन्त्रणामा उक्त चलचित्र हेर्ने असर प्राप्त गरेकोमा नगरप्रमुखले खुसी व्यक्त गर्नु भयो । नगरप्रमुख यादवले चलचित्रको छायांकन , कथा र पात्रहरुको अभिनय अति उकृष्ट लागेको बताउनु भयो । रामग्राम नगरपालिकाकै कलाकारहरु शौगात मल्ल र प्रमोद अग्रहरी को दमदार प्रस्तुति र नवलपरासी जिल्लामा नै अधिकाम्स छायांकन भएको चलचित्रको सफलताको कामना गरिएको छ ।
