परासी । परासीमा शुक्रवार आयोजित एक कार्यक्रमका बक्ताहरुले जहाँ दुखः त्यहाँ रेडक्रस भन्ने भावनालाई जोडदिएका छन् । प्राकृतिक प्रकोप, महामारी वा अन्य घटनामा सेवा भाव बोकेर रेडक्रसकर्मीले खेलको भूमिको खुलेर प्रसंसा गरिएको छ । बक्ताहरुले बोल्ने क्रममा कोरोना महामारीको समयमा पनि रेडक्रसको भूमिका उदाहरणीय भएको चर्चा गरे ।
नेपाल रेडक्रस सोसाइटी परासी उपशाखामा नवनिर्वाचित पदाधिकारीहरुको शपथ ग्रहण तथा पदहस्तान्तरण कार्यक्रममा बोल्ने बक्ताहरुले उक्त कुरामा जोड दिएका थिए ।
परासी उपशाखाका अध्यक्ष अवधेश कुमार यादवको अध्यक्षता र प्रतिनिधि सभा सदस्य एवं पूर्व मन्त्री ध्रुववहादुर प्रधानको प्रमु्ख आतिथ्यतामा कार्यक्रम गरिएको हो । कार्यक्रममा पूर्वमन्त्री प्रधानले रेडक्रस अन्तराष्ट्रिय मूल्य र मान्यता बमोजिम सञ्चालन हुने हुँदा यसलाई राजनीति भन्दा टाढा राख्नु पर्ने बताउनु भयो । उहाँले रेडिक्रसको गेट भित्र प्रवेश गर्दा सेवाभाव बोक्नु पर्नेमा जोड दिँदै रेडक्रसमा राजनीति प्रवेश गराए रेडिक्रसको मूल मर्म सिक्न नसकिने बताउनु भयो ।
गत माघ २४ गते भएको निर्वाचनबाट अध्यक्ष पदमा निर्वाचित सन्दिप अग्रहरीको नेतृत्वलाई निर्वाचन अधिकृत एवं जिल्ला शाखा सदस्य रुद्रकुमारी कण्डेलले सपथ ग्रहण गराउनु भएको थियो ।
नवनिर्वाचित समितिको सपथसँगै निवर्तमान अध्यक्ष यादवले नवनिर्वाचत अग्रहरीलाई पदस्थापन गराउनु भएको हो ।
सो अवसरमा रामग्राम नगरपालिकाका नगरउपप्रमुख संझना चौधरी, जिल्ला शाखाका सभापति राजेन्द्रकुमार अग्रहरी, रेडक्रस लुम्बिनी प्रदेशका कोषाध्यक्ष हैदरअलि मोमिन, लोकतान्त्रिक समाजवादी पार्टीका केन्द्रीय सदस्य पुरन चौधरी, परासी उपशाखाका संस्थापक अमृतसिंह जिसी, रामग्राम नगरपालिका वडा नं. १ का अध्यक्ष रुद्र प्रकाश उपाध्याय, उपभोक्ता हित संरक्षण मंचका केन्द्रीय सदस्य रामजी ज्ञवालीले नवनिर्वाचित समितिलाई शुभकामना व्यक्त गर्नु भएको थियो ।
यस्तै पदहस्तान्तर कार्यक्रममा उद्योग वाणिज्य संघका अध्यक्ष ओमप्रकाश अग्रहरी, परासी उपशाखाका पूर्व सभापति आरधना भट्ट, सामुदायिक रेडियो परासी ९०.२ मेगाहर्जका अध्यक्ष राजकुमार रेश्मी, रामग्राम जेसीजका संस्थापक अध्यक्ष श्यामकुमार वस्याल, परासी क्याम्पसका प्राचार्य सुमनगोपाल आचार्य लगायतले बोल्दै नवनिर्वाचित अध्यक्ष अग्रहरी र अन्य पदाधिकारीहरुको सफल कार्यकालको शुभकामना व्यक्त गर्नु भएको उपशाखाकी उपाध्यक्ष सिता कुँवरले जानकारी दिनु भयो । उक्त कार्यक्रमको संचालन रामग्राम जेसीजका अध्यक्ष मोहन पौडेलले गर्नु भएको थियो ।
